foto Giancarlo Sandomini con la moglie Angelica Faraò, e Uccio Pastrovicchio fra gli «apocalittici» Locchi, Cire e Livio Dorigo fra 1 grossi «maschilisti» dell'Apocalisse intraducibile Cire intona con Sferco, Tagliapietra 1, Selvaggio, Tagliapietra 2 e Guerra (segue dalla prima pagina) A la stassion de Torino, go trova Trevisan e con lui son partì. Rivedi a Rubano, per quanto se fossimo prenotadi, anche se non diretamente a «La Bulesca», gavemo domandà al cosideto maitre d'Hòtel se risultavimo in lista. EI ga guardà e ricontrolà, ma gnente da far. Anche se vecio insempia, gavevo xa un presentimento de sbrodighessi e pastroci. Sicome ormai iera tuto esaurì, el ne ga oferto l'apartamento dela regina Taitù, a lire 80.000 per note. Senno restali de stuco, mi ghe go alora proposto all'amico Trevisan de andar a dormir drìo le grafie, come che gavevo proposto a tuti voi quando che se ierimo diplomadi e dopo fata la magnada da Budin. Quela volta la me iera andada ben e voi se stadi d'acordo; stavolta, invesse, Trevisan, dopo gaver pensà un momento, el me ga dito molto seriamente: «Coss' te vol orno, mi ghe starìa, ma adesso, de note fa ancora frescolin, e se dormimo fora, se ciapemo un bel rafredor e domani se presentemo davanti i altri oltre che coi mocoli, coi vestidi mastrussadi, con le rece sporche e con la cerica color dela crodiga cota». Alora gavemo acetà l'apartamento. Al momento de andar via, però, i ne ga fato pagar come ai altri. Sicome che iera ancora presto, e che, de quei pochi gati, che iera fino a quel momento rivedi, no conossevimo nissun (scusa sa no digo nissun come ti, ma, mi, purtropo, no go mai frequentà el Circolo dei inteletuali de Vincural e gnanche son sta influensà dela forbita parlada dei cedei de Valdefigo), che ti, no te se vedeva, anche se magari te ieri sentà col tuo capel de paia soto una fighera, semo andadi a far una passegiada, e, dopo, a senar. Quando che semo ritornali, ieri tuti a maqnar. Te me ga presentà quela mula simpatica che ga frequentà la classe paralela, e no me ricordo el nome, e po', la Livia Craglietto col marì Schiavuzzi. In quel momento de confusion mentale, roba che ghe capita ai veci rimbambidi come mi, no me ricordavo de lui. Ch'el gabi passiensa, ma un che qa la moglie in menopausa e lui stesso xe in menointervalo, no poi gaver la testa a posto. A casa, però, pensandoghe su, come che fa i «bassiloti», me son ricordà che lo conossevo, no me ricordo invesse de gaver fato ginastica insieme, a classi appaiate. Xe sta veramente un problema, el giorno dono, individuar i veci compagni. A mi, povero denutrido, nissun me riconosseva, perché De Francesco me gaveva ciuclà e! grasso giovanile; se no te me disevi ti i nomi seria sta un bel guaio. Ma, due persone go riconossù imeditamente: l'amico Peressa e la Manzella. A Peressa, ufficial superior dela nostra picia armada nazione!, visto ch'el gaveva el grado adato, ghe go domandà se 'I gaveva intenssion de preparar un «pronunciamiento», el me qa risposto, guardandone de bruto, che'l iera schifà de tuto, che, visto che i gaveva abolì el grado de maressialo del impero, presto el saria andà in pension e che noi voleva sporcarse le man. De sore go nominà la parola «picia», ma, me racomando, se qualchedun, vien in Piemonte, che no ghe sbrissi mai le parole picio o picia, perché qua, se uno per disgrassia dovessi dirle rivolto a un omo o a una dona, come minimo, el ripartirla con l'ocio nero o con !a dentiera fracassada, e, la Nieder, e lo stesso Peressa. che xe stadi piemontesi «pro tempore» credo che i lo sapia ben. La Manzella, no solo no la me conosseva più, ma gnanche la se ga ricordà de mi dopo che ghe go fato veder la fotografia de noi tuti, giovani, publicada dalla Rene. In poche parole, per ela, no lerci né nato né morto. Se ga invesse ricordà de mi la Irie Vanni, anche se semo stadi insieme solo un ano, nela prima inferiore. Chi no se ricorda de-la Vanni? quela bela muleta bionda come una tedeschina che iera l'ornamento dela nostra classe e che, l'ano dopo la ga volù, con nostro grande disoiasser, esser trasferida nela classe paralela, tuta femminile. Da quel che te scrivi, go notà che te ga sempre l'ocio del cotoler, infati, mi me ricordavo che la Craglietto la iera mora quando che andavimo a scola, no me go invesse acorto che adesso la xe diventada bionda. Ma cossa penserà Schiavuzzi a notar sto tuo interesse per le done dei altri, mi credo che'l dirà: Guarda omo che la Lívia xe mía, Dio me l'ha data e guai a chi me la toca, anca coi ocí. E tua moglie no disfi gnente? No la te ga mai dado la farsora sula testa, o una cassiolada (deriva da cassiòl e no da cassiola) sula museriola? No la te ga mai manda a (arte benedir a «Perni sur mer»? Però, parlando de bionde e de more, penso che la Craglietto, diventada bionda, se ga va!orizà invesse la Manzella, diventada mora, se ga depressa. Almeno cussì seria dandoghe reta a quela vecia canson che diseva: Ale bionde deghe trenta, ale more ventioto, ale rosse gnanche oto e ale grise un patacòn. Pensa a mi cossa i me daria se seria una dona, a mi che no go gnanche i cavei grisi ma solo pochi pei bianchi. Penso che più de cinque centesimi col buso e fuori corso no me becarìa. Però, a parte le monade, xe sta una bela festa e, per mi, ima grande contentessa de rivederte, de riveder Peressa, Budin, De Francesco, Trevisan, la Nider, la Craglietto, la Manzella, la Gengo e forsi qualche altro che no me ricordo, oltre, se capissi, anche quei dele altre classi che per un certo tempo iera stadi nostri compagni. Pecà solo che no sia vignù quel moniga de Tunis, che gavemo tanto spetà; el iera a quatro passi de distansa e el podeva vignir anche in manighe de camisa e in mutande, o solo con una (laida sule spale, che nissun ghe gavarìa dito gnente. Pecà che de qualche altro no se gabi savudo gnente, tra i quali el mio, per lungo tempo, compagno de banco, parlo de Morpurgo (che noi ciamavimo Mosca per non farlo pissigar dalle SS), me dispiasi sopratuto perché, dopo un bicer de vin, el diventava el più simpatico de tuti. Come che te go za dito, prova domandar informassioni all'ambasciata d'Israele, no se sa mai, magari el xe a lavorar in qualche kibutz in Cisgiordania come colono selvadigo. Pol anche darse, però, che le sue sorele no lo gabi lessa vignir. Le sorele ogi xe tremende, basta veder quele 7 che xe parone del petrolio. Oltre ad esser sta felice de riveder voi, son sta anche contento de riveder qualche ex mulo dele bande musicali de Pola, tra i quali el bon e bravo Funcis, oltre, se capissi l'amico Pelaschier, mio compagno d'armi del glorioso XII Btq. de fanteria (neo Demoghèla) il ploton allievi ufficiali, che gaveva sede in Campobasso. Ma, se noi quatro fiati che semo ancora vivi, semo stadi tuti contenti de rivederse, quanta tristessa nei nostri cuori per i nostri cari amici prematuramente scomparsi: Antonello, Benci, Babbi e altri. Speremo de rivederse tuti nel 1983, anche se go paura che, per contentar quei pochi istriani meridionali, rivarà pochissimi istriani settentrionali. Ma, me racomando, che vegni sempre Odoni, perché un medico xe sempre necessario quando tra i partecipanti se trova veci bavosi come noi. Ma, ti, no te devi esser cussì discriminatorio; l'invito devi esser rivolto non solo a quei che se ga diploma nel 1942, ma a tuti quei che ga frequentà le magistrali, anche se solo per un ano, a Pola. No te piasarìa forsi riveder quel mulo nero come il catrame, del quale no me ricordo el nome, ma che noi ciamavimo ,'el Negus» e quei dele altre classi che i lo ciamava «Patina»? e Boi Prosdocimo? e Perissa, che i lo gaveva batesà «lo strusso Oscar»? e Gimmani, el seqadòr? per controlar se dopo tuti quei s'ciafi che ghe gaveva dà la Setti, prof.ssa de francese, el ga ancora una bona cera? e anche se el camina con le gambe larghe dopo tuti quei rosari che'l doveva dir, per ore e ore, in zenocio sula pedana dela catedra? E no te piasarìa veder quela bela mulona milanese che iera la Bigerna, e la Vitturi, per la quale ti te andavi matto? No sani miqa stadi una bruta coppia insieme, ti con l'ocio del cotoler, ela con l'ocio clinico. E perché mai nissun (e daghela) qa mai pensà de riunir quei che ga fato parte dele bande musicali de Pola, Gil, Lega Nazione!? Dopo tuto noi dela Lega gavemo tignù su el morale a tuta la popolassion de Pola nei momenti più bruti dela nostra esistensa. In più che se xe, più gheto se fa. Ma lassemo star sti stupidessi. altrimenti qualche linguassa podarìa pensar che volo scriver un libro per targhe concorrensa a! prof. Bepi Nider, che la Divina Providensa me perdoni, e. invesse falso solo la figura de Tamburovich Mateo de Valbandon. Dopo sto sfogo, te lasso, anche perché devo andar a sapàr, in atesa de trovar un lavoro come nonsolo, e, po' se la tiro tropo ala lunga, te me mandi a Marengo. In compenso, per farte risparmiar de legerme ancora, sarò telegrafico nei saludi: ciao. Duilio Dussizza