foto In cusina, sora un picio tavolin per machina de scriver che inverse el servi da porta-Tv ghe xe una cartela sempre piana de cartasse che ogni volta che le me casca me se impira i cavai per la rabia. In sta cartela ghe xe de tuta e tuto riguarda la corispondenza con l'Arena e cioè: articolati (aiamemoli cossi) fermi de almeno un anno, butadi xo ala bona e in atesa del via, ma che tante volte inverse I finissi in scovasse perché speta che te speta i me par superai e de scarso interesse: brute copie de quei spedii e no ancora publicai: fotografie de tute le Qualità tirade fora dai album. apunti su tossa me devo ricordar de scriverghe al diretor o a qualche amica che po' imancabil. mente me dimentico o che no trovo più co i me servi: carta per scribassar apunti: insomma. toto un mie mae dove solo mi riesco a meterghe le man. L'altro giorno. sercando de meter un poco in ordine sta cartela, la me ne cascada sui più e fra tuto sto remitur xe salta fora un scontrin de super-market con sul de drio scriti dei apunti. Devi essere roba de almeno un anno fa quando su l'Arena go visto publicada la foto de due bele mule orseresi sul Monte Arsa proprio dirimpeto a dove che stavo mi durante lo sfollamento. No le gavevo riconossude per el fato che tra noi ghe coreva qualche aneto. però i nomi Gambetti e Grego no me iera novi cussì parlando con parenti e amiche go savù che la Combatti iera la sorela dela mia cara amica Bruna e ia Paolina Grego iera nientemeno che la sorela del Ferruccio che tante volte me iero domandada chissà 'ndove che el iera finì. E cussi, grassie a una foto ecco riaffiorar i ricordi e andando indrio nel tempo me par quasi de riviverli come se fossi adesso. Ferruccio iera un muleto più picio de noi mule e se lo trovavimo sempre tra i più forni perché I muli più grandi no lo voleva. Colo del sol. sempre in canotiera e braghete curie e cavai imbiondii data salsedine. Stavimo vicini de casa epur la sorela no me la ricordo! EI iera anche un muleto tanto servizievole sempre pronto a farne un favor e per de più el gaveva una barcheta sula quale spesso el ne tentava de andar a far un gireto. Sta barcheta me par che i la gavessi trovada in mar una note che i iera andai a calar le rede e sicome la iera picia su papà ghe la gaveva regalada. EI la gaveva batezada Viribus Unitis un nome importante come importante iena sta barca per lu che el gaveva dodici o tredici anni! La vola de far un girato in barca per noi mule la iera grande ma per mi iena un vero problema perché mamma no me lassava e po' no savevo gnanche nudar! Però qualche volta de scondon ghe non andada profitando del fato che mamma se trovava de qualche sorela a rimediar qualcossa de magnar. Me ricordo che iena cossi bel co se fermavamo in sto slaccio de mar con i scoi San Zorzi che serava la baia tanto che al ~or doveva far tuto el giro per poder atracar, guardavimo I pensi sguizzar in sta aqua cristallina dove se vedeva fin in fondo. Un dopopranzo gavemo deciso de far una escursion in località Fabian che iera un picia Insenadura drio punta Masseni. Ferruccio ne decantava le be. lesse de sto posto a mi e a mia cugina Elsa che ierimo «foreste-. EI -te vignù a ciorne roto casa. semo saltade in barca insieme con l'amica Bruna e me par anche sua sorela Bianca e via con Ferruccio che vogava che el pareva un vero marinaio. Semo rivadi in sto angolo de paradiso che mai più dimenticarò; ierimo alegre, anzi, euforiche e no prevedevimo minimamente quel che tra poco ne spetava. EI tempo pian pian ga comincia a cambiar ma noi no se acorgevimo perché ierimo in una zona de ombra al riparo dei venti, però una volta tornai indrio, al momento de dopiar la punta un ventae con onde paurose ne ributava al largo. Mia cugina Elsa se ga sconto noto la prua. Bruna e Bianca esperte e consapevoli le stava mute come pensi, solo mi cantavo ancora farsi per forme coragio. Ferruccio ghe la meteva tuta, ma nol riussiva a superar sta punta e portarne sotovento. A un certo momento me ga parso de sentir qualchedun che me ciamava, in meno a sto inferno de vento, de onde, de cel che pareva un apocalisse; chi podeva ciamar? lera la mia mamma, mia zia, le mirale dele amiche, tute su sta punta morte de paura, sicure che sariimo finidi tufi in mar. Volò saver come che la xe andada a finir? Ben, no me ricordo! EI fato xe che son viva e vegeta (anzi semo) almeno per el momento e me piasaria tanto se qualchedun che ga assisti a sta sventura, rilegandola me contarla el final, cioè come —.che semo rivai a tera. De sicuro el Ferruccio se ga comporta ccme un eroe e forni no ghe gavemo gnanche dito grazie! Però xe senz'altro sicuro che una volta a tera me sarò ciapada un fraco de bote (però no me ricordo gnanche questo) perché mia mamma ste aventure no la me le perdonava. Nerina Milia