foto Didascalie: Pronti., nella limpida mattina verso Fiscella I fioi fa 'I bagneto felici e sereni, assistidi con cura dalle suore Sul vaporetti per Fisella, a squarciagola cantavimo andando, a squarciagola cantavimo tornando; l'aria iena meravigliosa, el mar trasparente e color verde smeraldo; se podeva veder le anguile, qualche foipo. qualche pesse spada e, fra i tanti pessi sguizanti e lucicanti, qualche rara volta anche una copia simpatica de delfini schersosi. Partindo, ala matina bonora, dal'Arsenal, se passava spesso abastansa mente ale splendide navi — ancorade nel porto de guera — da dove i numerosi marinareti, tuti vestidi de bianco, sula tolda dela nave, i ne saludava con festose braciade, contracambiando in coro i nostri sighi entusiasti. Se andava, quindi, filando sicuri sul'onda gorgogliante, verso l'isolata de S. Caterina e — alontanandose. improvisamente. dopo l'avicinamento — in poco più de mes'oreta de sventolandose al'aria profumada de salso marin e soto 'I sol matiniero. se rivava, ritemprade e felici, sula costa libera. fresca e verdegiante de Fisella: davanti a noi tuto l'azuro del mar, in alto tuto 'I tenero. limpido celeste del ciel e intorno un silensio meraviglioso, aniroado solo dai cinguetti dei useleti, dal canto date indolenti cicale. e ritmado dal mormorio del'aqua sula spiagia e dal legero passar del ventisei tra i folti rami dei alberi_ E incominciava. cussì, la nostra movimentada giornata de gioghi e nudade; ma anche de lavoro, de racoglimento e de preghiera quando, durante le prime ore dela matina, tute sentade sul grande telon disteso al'ombra dei profumadi pini, ricamavimo tranquile soto il vigile sguardo dela nostra suorina. Versa le undici, la prima gioiosa nudada (ah, con che ansia che la spetavimo!) e, dopo 'l pranzo de mesogiorno, sui lunghi tavoli de legno. al'aperto, solo 'I verde fogliame, tute a riposo, in severo silensio; a metà pomerigio circa, finalmente el turno dela seconda. alegra nudada e. qualche fortunada volta — sul tardi — anche una splendida gita in barca. con qualche condiscendente marinareto (dei tre nostri, naturalmente) che el tentava. con tuta la sua più bona volontà, de remar energicamente (tra 'I nostro travolgente ciacolar e sburtarse per ciapar el mea posto) ma che, sopratuto. insinganado teribilmente date mulete più prepotenti, el iera costreto (con gran passiensa — devo propio dirlo) a cederne i remi perché tute, con gran foga, volevimo imparar a remar. Statoilida, a un certo punto — come miracolosamente — la calma, spesso rivavimo, al largo, verso un'enorme boa rossa e nera e le mulete malegnase, le gaveva el coragio de rampigarse sora (mi no!) e de butarse, come gnente fossi, in quel'aqua cussi fonda, con la boa che dondolava spaventosamente, minaciando de farle sbrissar in aqua anche se no le gavessi avudo noia, a quel ora xa un fià tarda, de far un bel bagno. Intanto el sol, ancora luminoso, ma meno ardente, dolcemente el declinava nel ciel e. con l'alungarse date prime ombre. tuto intorno pareva quietarle — anche noi, mai stanche, ma sodisf ade dela nostra giornada, pienamente e gioiosamente vissuda. E, quando che rivava l'ora de ripartir, iera sempre — per noi — tropo presto (anche se a Fisella passavimo. in verità, tuta l'estate. Però, rifar — verso 'I tramonto — la traversada sul mar, col vaporetti, tuti insieme felici iera talmente emossionante che, al sol calante, al ciel, al mar. al vento, al mondo intiero gavevimo ancora la farsa de urlar con tanto ardor, le nostre alegre. spensierade (anche se più che un fiatin stonade) canzoni. Giuliana