foto Didascalia: Mirella e Guglielmo Bucher, e Uccio Pastrovicchio sempre assieme, all'Apocalisse e alla Bulesca Scriver sull'Arena xe per mi veramente viver in un'altra dimension; più el tempo passa e più me sento viva; sento de far sempre più parte della nostra comunità. So le mie capacità, no go molta fantasia e perciò non posso che contarve molto semplicemente quel che me capita adesso o quel che me xe capità co fiero più giovane. E per questo desidero pubblicamente ringraziar el nostro diretor, perché solamente grazie a lui, alla sua forza de tegnir in piedi sto giornal nonostante tutti i contrasti, podemo ancora dialogar fra de noi e così sentirne ancora noi stessi. E xe sta grassie al giornal che qualche giorno fa go podù gaver el grande piasser de veder de persona el carissimo Emo Bucher. No ve posso dir l'emozion, la gioia e tuto el resto che go provà quando rispondendo al telefono go sentì dirme che parlava el Bucher, el me diseva che se volevo podevimo incontrarse ala stassion de Brescia. Ghe go dito che filovia che el doveva ciapar per arivar de mi e dopo mez'ora me lo son visto capitar. Podè imaginar la mia contentessa e che ore belle che gavemo passa insieme perché con lui xe rivà un refolo dela nostra Pola. Dopo poco xe rivada anche mia sorela Maria e tuti insieme, tri i vari «ti te ricordi...» gavemo magnà un bocon e alla fine Emo ga dovù mandar zo anche una feta dele mie pinze e a ogni bocon el doveva bever un sluk de vin perché el ghe se fermava nel gargato; quante ridade che gavemo fato. Cussì governo passà un per de ore assai bele rivangando tanti bei momenti passadi a Pola. Però la pinza no iera una de quale de Pasqua perché dopo de alora le go fate ancora do volte e queste ultime le iera pezo de tute perché el lievito doveva esser un poco vecio .(bona la scusa!). Anzi a proposito de pinze devo ringraziar la siora Silva Gilli, polesana che abita a Brescia, che apena che la ga !eto su l'Arena quel che go scrito sule mie pinze !a me ga telefona prometendome de insegnar-me a farle ben; anzi spero de incontrarla presto per far una bela ciacolada e in atesa de questo se sentimo molto spesso per telefono. Ringrazio anche el gentile 'polesan Virgilio Mauro che sul giornal del 29 magio scorso el ga volù specificar el significato dela paorla «rolè», ma mi non arzigogolavo sul significato perché savevo tossa che vol dir per noi, bensì sule radici dela parola stessa, sul come la fasseva parte del nostro vocabolario. Gianna D'Amico Burgher