Una volta che gavevimo passà el Nadal a casa sua, tuti in alegria, co' se gavevimo scambià i doni soto el albero (poche balete el gaveva, e diverse ghe le gavevo portade mi perché el morì no credeva nele «spese frivole»), fra tanti pachi e pacheti la me gaveva consegnà in man uno, bel grosso e soffice, con qualcossa dentro per la mia picia che la gaveva fato ela con le sue stesse man. «La lo verzi subito — la me gaveva dito — e la vedarà che quel che go fato per sua fia ghe farà vignir la nostalgia dei tempi co' la iera picia anche lei». Cossa godeva esser dentro? Un maionsin o completin de lana per star caldi? Una pupeta de pano, ela che la saveva ben cusir? Mi fiero sempre stada mata per le pupe de strassa. Fra i tanti giocatoli che gavevo avudo, mio papà no se dimenticava mai de comprarme qualche bela pupa imbotida nel negossio de Baldini. Con simili ricordi in testa gavevo averto el pacheto. E dentro iera, tuto lavorado ala perfession, un picio combinè de lana arancion con righe viola fato a ferì, dò per de calsete lunghe anche quele de lana maron, con in alto, uno per parte, dò botoni tacadi su col rinforso de drio, come che fasseva mia marna; e in ultima, coredadi del'astico per tegnir su le calse, dò bustini de fanela ben rifinidi, uno rosa e uno blu! Mio papà Giorgio-Nini Sizzi (Zii) a 18 anni, il primo in alto al gruppo nella divisa della marina austroungarica; prestò servizio su una nave scuola alle Bocche di Cattaro Quanti nomi ritrovadi su «L'Arena» là per là: nela mente registrali mai li go dimenticà. Un bel salto! La Collani zo nel tempo me fa andar; più de trentaquatro ani! Qua son pronta a ricordar. Dela classe III" D iera brave le putele, tute in gamba per cussì con belissime pagele. La Benussi, la Dinelli, Gianna Nordio, che piasser! (Tute le vorìa veder!) Una 'giunta ala colane: Elsa Vescovi, Giachin; po' la Estero Eliana; Dandri, nata pel latin. Dei ragassi, al lungo elenco qualche nome agiungo qua: el bonissimo Ciarlenco, Vatta, Vetro e po'... chissà! De disegni pien batù con le dediche de soto, l'albo ormai no lo go più. Ma ricordo qua, de boto che Massimilian Manzin, nostro... amato professor de italian e de latin el se ga firmà: «Doto,. Gloria, ti ti ga la «Rene» dal Moscheni disegnada: el ricordo me... invelena perché mi — la go mancada! Al Moscheni ghe go dado el libreto a disegnar. EI me fa: «Son ocupado! Ti te tocherà spetar!» Bon! Spetemo! Sto putel el me fa tirar el fià: «Per la 'Rena (magno fiel) quanti secoli ti sta?» Po' un bel giorno, con baldansa el me torna l'albo intato: «La mia firma xe abastansa perché son artista nato!» «Va a remengo! A ben saverla... guarda qua che delusion!» «Xe 'I mio autografo 'na perla: Ti te pol tegnir in bon!» Quant'è bella giovinezza... (che bisogna ben guantar!) Xe i ricordi la richezza che nissun ne pol rubar. Fioi, scolteme! In alto i cuori! Xe la 'Rena sempre là, che, de tuti i nostri amori el più grande resterà! Silvia Lutterodt Sizzi