- foto Va pel ciel, de qua, de là, girando un tochetin de luna e tra le frasche fisceta un rusignol na serenata. 'Scolto in silenzio e guardo, posa sula finestra, le stele, slusigar nel scuro mar de la note e col pensier che mando, al tochetin de luna, una preghiera: Quando domani, in viagio, te riverà sul mio paese, caresime, te prego, la Ciesa, el campanil, la mia caseta. Fermite un momento, solo un momento, sora le tombe del vecio cimitero e basa, una per una: le lapidi, le Crose e dighe ai morti, dighe luna, te prego: che no dimenticheremo". BEPI NIDER