foto De solito se use farse auguri a pruntar progeti per l'ano novo, spetar e preventivar tante robe bele e bone per l'ano che riva tuto rosa de sogni e speranse. Se cavemo el .Te Deum. che se canta in cesa el giorno de San Silvestro, prima de corer a vestirse per el velion, xe veramente pochi quei che pensa a l'ano vecio, che sta consumando le sue ultime ore. Tuto questo perche se xe tropo intenti a pensar a quel novo, che se sogna coi oci 'verti pin bel, phi prospero, pin felice, pin pacifico de quel vecio, che semo pronti a sepelir sensa rinpianto! Rivadi ben o mal a superar el Nadal. co le rece piene de auguri e s'ciochi de tapi de sanpagna, coi oci inberladi dal sluser de l'albero e de le vetrine, con ancora net naso l'odor dei bisati e de le fritole, se metemo subito a pensar at 1990, butando in scovasse el 1989 insieme al vecio calendario! Ma Mi, malgrado qualche malan no tanto picio the '1 me ga regalado, credo giusto concluder sto 1989 con un ringrasiamemo per quel che de bon e de bel el me ga portado, sia personalmente che ale nost re asociasion. Si, perche no se pol dimenticar che gavemo avudo un bel raduno a Cremona, che gavemo fato, inaugurado e anche pagado el quadro dei Patroni, che xe andado ben el convegno de Pordenon e xe nata la Federasion! Ma Mi personalmente, in sto apena finido 1989 go fato tre scalini in... suso: son diventado comendator, vecio e nono! In genaio Cossiga (i me dixi che ghe somilio) ga voludo superar Leone e Pertini, zontando al cavalierato e al uficialato, anca la comenda! Ringrassiando lui, el Barbi e Padre Rocchi, ghe ga fato el mio nome la in alto, in magio, go fato el mio 65° conpleano e son diventado vecio, o se preferi veceto, che xe pin cocolo. Ma el phi bel me xe sucesso in setenbre, co son tornado de le ferie passade a Genova: me son trovado inprovisamente nono! Mia fia e mio genero, ormai sposadi de sete ani, i gaveva fato una de le sue: passade le vacanse su le An-de tra Cuzco e el Maciu Piciu, a tremila met ri i ga trovado una picia de do ani e meso. Cussi, fate le pratiche che ocori, un mese dopo esser partidi in do, i xe tornai in tre: eta, lu e la picia Noemi. Noemi xe bela, ma no ocori che ye lo digo: basta 'vardar la fotografia. Ve dird invesse che la xe cocola, sinpatica, bona de conquistar tuti apena che se la vedi e la to pianta indosso quei do oci neri come el carbon! Apena che la ve soridi con quel bel viseto tondo serado in una cornise de cavei neri come le plume del corvo! Come che gavere capido tuti, xe questa la roba che pin me ga fato contento in sto 1989, che gavemo apena lassado indrio per cominciar el 1990: esser diventado nono e esser tornado, dopo i 65, a far el maestro per inpararghe a sta nipotina parola dopo parola a parlar come noi. E eta la fa passi de gigante, inparando ogni giorno diese o dodise parole nove in 'talian e, che i sui genitori me perdoni!, anche qualche paroleta in polesan! Perche, credeme a Mi, me fa tanto ben al cor sentirla dir co la sua imeta, Nona, dame scagneto!.. Mario Ive