foto Care Bruna e Claudia, stole qua le mule de una volta che le se ga finalmente ritrova dopo tanti anni. Tropi. E xe un peca, ma no importa; semo ancora in tempo; speremo de passar qualche giorno insieme ogni tanto e ricordar, come che gavemo fato, i bei momenti dela nostra giovinessa, quando che buligavimo tute e tre come moschetiere per la nostra amata Pola. E po' per quei malignasi che conossemo, xe finida la nostra amicissia, cussi cara e beta, lassando nel nostro animo tanta malinconia e solitudine. Ghe ga voludo molti anni prima che el brusor de ste feride el se calmassi un poco; no xe sta facile, cussi de colpo, lassar la nostra tera, la casa e i amici e ricominciar tuto de novo. E quel che brusa ancora forte, xe che de 'sto nostro martirio no ghe ne ga frega niente a nissun e nissun se ga sforsa de tapir el nostro sacrificio. No importa, mule! Quel che xe sta xe sta, e che i vadi a remengo quei che ne ga 'ssassina. Adesso gavemo altri problemi: quei dela veciaia che ne fa sospirar. Una ga le varicose, l'al tra la cervicale e mi che no vovio esser de meno de nissun, go lo lo e con de sora i diverticoli, che no xe, come uno podaria pensar, robe che fa rider, tutt'altro! Ma che bel che xe sta trovarse, mule! Gavemo pa rla, si, de ste robe tristi, ma po' ghe gavemo pete su anca una ridada, come che fa i pici fioi che no capissi niente, perche in quei momenti ierimo tornade indrio de quarantadue anni, ierimo tornade mulete! Speremo che adesso no passi altri quarantadue anni, anca perch,: no so se podemo resister tanto. Me racomando, trovemose! Ve saludo caramente con un abrasso. Mariella