Da quando, come al solito, con vose rauca e rabiosa el ga zigado che Roma vol a tuti i costi esser la «Capee Mundi» (1 ), mi lo ciamo Capuzzo Garbo. Senza ofesa per i capuzi garbi che, me piase assai e che no posso pie magnar boni. In Istria, nel logo dove go insegnado per sei ani, in setembre in ogni casa se preparava i capuzi garbi; quei capuzi che a Zara vegniva vendudi nei caratei de legno che i botegheri meteva fora de la porta perché i inspuzoliva tuto. Per mi, quela spuza iera un profumo; meio del «Violetta di Parma». Lavadi,...